Nakon osnivanja kompanije, 2019. godina je obilježila naš prvi veći i značajniji iskorak u vinarstvu. U toj berbi smo uživali u našim bijelim i rose vinima u društvu prijatelja., dok su crvena vina strpljivo čekala svoju premijeru na tržištu 2021. godine.

Naša glavna misao bila je postići vrhunski kvalitet u sve tri vrste proizvodnje: bijelo vino – Chardonnay, rose vino od sorte Cabernet Sauvignon, te crveno vino, koje je već imalo duboke korijene u našem vinogradu od autohtone sorte Vranac i internacionalne Cabernet Sauvignon. Nastavili smo sa proizvodnjom crvenih vina, koje su činile osnovu našeg nasljeđa.

Poseban i najznačajniji trenutak za naš razvoj bila je upravo sadnja tih prvih čokota vinove loze na našem imanju, koju je s ljubavlju i pažnjom obavio Radovan. Upravo po njemu, naše prvo premium vino dobilo je naziv “Radovan”, i to je postao pravi dragulj u ponudi Keković Estate.
Ovo vino nije samo rezultat rada i znanja, već i simbol naše porodične tradicije, strasti i posvećenosti stvaranju nečeg posebnog.